Батыс Қазақстан инженерлік-технологиялқ колледжі
0

 

 

Қабылдау ережесі

        «КЕЛІСІЛДІ»

Білім басқармасы

басшысының орынбасары ____________ Н.М.Сабиров

«____» ___________ 2018 ж.

                                                   «БЕКІТЕМІН»

      Батыс Қазақстан инженерлік-  

      технологиялық колледжінің   

      директоры

       ____________ С.А Алимбеков

       «____» ____________ 2018 ж.

 

 

 

«Батыс Қазақстан инженерлік-технологиялық колледжі» МЕББМ-не

2018-2019 оқу жылына оқуға қабылдау ережесі

 

 

1. Жалпы ережелер

 

  1. Батыс Қазақстан инженерлік-технологиялық колледжіне (мемлекеттік лицензия № KZ68LAA00008289, 01.03.2017 ж) 2018-2019 оқу жылына оқушыларды қабылдау ережесі Қазақстан Республикасының № 319-III 2007 жылдың 27 шілдедегі «Білім туралы» Заңына, Қазақстан Республикасы Үкіметінің қаулысы негізінде және 2012 жылдың 19 қаңтар №130 «Техникалық және кәсіптік білім берудің кәсіптік оқу бағдарламасын жүзеге асыратын білім беру ұйымдарындағы оқуға қабылдаудың Типтік ережесін бекіту жөніндегі» бұйрығына енгізілген өзгерістер мен толықтыруларға және Қазақстан Республикасы Білім және ғылым министрлігінің 2015 жылғы 14 сәуірдегі №200 бұйрығы негізінде  құрастырылған.
  2. Батыс Қазақстан инженерлік – технологиялық колледжіне негізгі орта (жалпы негізгі), жалпы орта (орта жалпы), техникалық және кәсіптік (кәсіптік бастауыш және кәсіптік орта), жоғары (кәсіптік жоғары) білімі бар Қазақстан Республикасының азаматтары, Қазақстан Республикасының азаматы болып табылмайтын ұлты қазақ тұлғалар, сондай-ақ, шетелдік азаматтар және азаматтығы жоқ адамдар Қазақстан Республикасының заңнамасында белгіленген тәртіппен қабылданады.

Қазақстан Республикасының азаматтарына және Қазақстан Республикасында тұрақты тұратын азаматтығы жоқ адамдарға, егер олар осы деңгейде бірінші рет білім алатын болса, мемлекеттік білім беру тапсырысына сәйкес конкурстық негізде тегін техникалық және кәсіптік білім беріледі.

 

Шетелдіктердің мемлекеттік білім беру тапсырысына сәйкес конкурстық негізде тегін техникалық және кәсіптік білім алуы Қазақстан Республикасының халықаралық шарттарымен айқындалады.

 

Басқа шетелдік азаматтар мен азаматтығы жоқ тұлғалар Батыс Қазақстан инженерлік–технологиялық колледжіне Қазақстан Республикасының  заңнамаларында белгіленген тәртіппен, сондай-ақ Қазақстан Республикасы ратификацияланған халықаралық шарттарға сәйкес қабылданады.

 

3. Батыс Қазақстан инженерлік – технологиялық колледжіне қабылдауда Қазақстан Республикасы Үкіметінің 2012 жылғы 28 ақпанындағы № 264 қаулысымен бекітілген «Техникалық және кәсіптік, орта білімнен кейінгі және жоғары білім берудің кәсіптік білім беретін оқу бағдарламаларын іске асыратын білім беру ұйымдарына оқуға түсу кезінде қабылдау квотасының мөлшерін бекіту туралы» бұйрығына Қазақстан Республикасы Үкіметінің 2017 жылғы 29 желтоқсанындағы № 923 қаулысына сәйкес өзгерістер енгізіліп, орта кәсіптік білім мамандарын даярлаудың мемлекеттік білім беру тапсырысына келесідей квота беріледі:

 

1) І, II топтардағы мүгедектер, бала кезінен мүгедектер, мүгедек-балалар арасынан шыққан азаматтар үшін - 1%;

2) жеңілдіктер мен кепілдіктер бойынша соғысқа қатысушылар мен соғыс мүгедектеріне теңестірілген адамдар үшін - 0,5%;

3) Осы бұйрықтың 2-қосымшасына сәйкес ауылдың (селоның) әлеуметтік экономикалық дамуын айқындайтын мамандықтар бойынша ауыл (село) жастары арасынан шыққан азаматтар үшін - 30%;

4) Қазақстан Республикасының азаматтары болып табылмайтын ұлты қазақ адамдар үшін - 4%;

5) жетім балалар және ата-аналарының қамқорлығынсыз қалған балалар үшін - 1%;

 

4.Туыстас мамандықтар бойынша техникалық және кәсіптік, жоғары білімі бар азаматтар қысқартылған бағдарламалар бойынша оқуға қабылданады.

 

Аталған санаттағы тұлғалар үшін колледжге түсу емтихандарын тапсыру әңгімелесу түрінде жүзеге асырылады. Мамандық бейіні сәйкес келмеген жағдайда бейін пәні бойынша емтихан өткізіледі.

 

 

2. Құжаттарды қабылдауды ұйымдастыру және түсу емтихандарын өткізу

 

  Батыс Қазақстан облысы әкімдігінің 2016 жылғы 19 ақпандағы №4264 «Батыс Қазақстан облысы бойынша техникалық және кәсіптік білім беру саласында көрсетілетін мемлекеттік қызметтер регламенттерін бекіту туралы»  қаулысын негізге ала отырып жасалды.

 

  1. Оқу орындарына оқуға азаматтардың өтініштерін қабылдауды ұйымдастыру, түсу емтихандарын өткізу және оқушылар құрамына қабылдау үшін қабылдау комиссиясы құрылады, ол өз жұмысын 1 маусымнан кешіктірмей бастайды.
  2. Азаматтарды оқуға қабылдау бойынша жылжымалы комиссияны ұйымдастыру құрылтайшылармен келісу бойынша шешіледі.
  3. Қабылдау ережелері, сондай-ақ өтініштерді қабылдауды ұйымдастыру жөніндегі қабылдау комиссияларының шешімі туралы ақпарат, түсу емтихандарын өткізу жөніндегі кесте, оқуға түскені туралы нәтижелер уақытылы оқуға түсушілердің назарына жеткізілуі қажет.
  4. Білім беру ұйымдарына оқуға азаматтардың өтініштерін қабылдау:

 

Орта буын мамандарын даярлауды көздейтін техникалық және кәсіптік білім беретін оқу бағдарламалары бойынша оқудың күндізгі нысанына 20 маусым мен 20 тамыз аралығында, оқудың кешкі және сырттай нысанына 20 маусым мен 20 қыркүйек аралығында.

 

  1. Колледжге түсушілер өтініштерімен бірге мына құжаттарды тапсырады:

 

– білімі жөнінде құжаттың түпнұсқасы;

– № 086 – У дәрігерлік анықтама (1 және 2 топтағы мүгедектер және жастайынан мүгедектер үшін дәрігерлік - әлеуметтік сараптау қорытындысы);

– 3х4 көлеміндегі 4 фотосурет;

 

Оқуға түсушінің тұлғасын куәландыратын құжаттар жеке ұсынылады.

 

Оқытудың нысандары бойынша және шарттық (ақылы) негізде оқуға түсушілердің өтініштері жеке тіркеледі және ескеріледі.

 

Кешенді тестілеу (жоғары оқу орындарына түсу үшін ағымдағы жылы кешенді тестілеуге қатысқан өткен жылдар түлектері) немесе нәтижелері туралы сертификатын тапсырған (ағымдағы жылы ұлттық бірыңғай тестілеуге қатысқан жалпы орта білімді бітірушілер) азаматтар оқуға түсу емтихандарынан босатылады және міндетті түрде Қазақстан Республикасының № 319-III 2007 жылдың 27 шілдедегі «Білім туралы» Заңына, Қазақстан Республикасы Үкіметінің қаулысы бойынша 2012 жылдың 19 қаңтар №130 «Техникалық және кәсіптік білім берудің кәсіптік оқу бағдарламасын жүзеге асыратын білім беру ұйымдарындағы оқуға қабылдаудың Типтік ережесін бекіту жөніндегі» бұйрығындағы 15-тармақта көрсетілген шарттарға сәйкес конкурсқа жіберіледі.

 

  1. Жалпы орта білімі, техникалық және кәсіптік білімі бар түлектер үшін қабылдау емтихандары жалпы орта білім берудің оқу бағдарламалары көлемінде үш пән бойынша (қазақ немесе орыс тілі, Қазақстан тарихы және мамандық бейіні бойынша пән), жалпы негізгі білімі бар азаматтар үшін қабылдау емтихандары жалпы негізгі орта білім берудің оқу бағдарламалары көлемінде екі пән бойынша (қазақ немесе орыс тілі, мамандық бейіні пәні бойынша) өткізіледі.

 

Мамандық бейіні бойынша пән осы Ереженің 1 қосымшасына сәйкес анықталады.

 

  1. Қабылдау емтихандары жалпы орта білім берудің және жалпы негізгі білім берудің оқу бағдарламалары көлемінде тест бойынша өткізіледі.

 

Әр пән бойынша тест сұрақтарының саны 25 (жиырма бес). Әр тест тапсырмасының  дұрыс жауабы – 1 балмен бағаланады. Үш пән бойынша кешенді тестілеуге астрономикалық 2 сағат 15 минут беріледі, екі пән бойынша – 1 сағат 30 минут уақыт беріледі.

 

Кешенді тестілеуді өткізгеннен кейін сол күні емтихан қорытындысы талапкерлерге хабарланады.

 

  1. Тесттің (қабылдау емтиханның) қорытындысы айтылғаннан кейін, тест (қабылдау емтихан) нәтижелерімен келіспеген азаматтар шағым (аппеляцияға) беруге құқылы.

 

Шағым емтихандар нәтижелері жарияланғаннан кейін тәулік ішінде қабылдау комиссиясына беріледі және оны өтініш берушінің қатысуымен шағым комиссиясы қарайды.

 

  1. Қабылдау емтиханын қайта тапсыруға рұқсат етілмейді.

 

 

3. Білім алушылар құрамына қабылдау

 

  1. Талапкерлерді оқушылар қатарына қабылдау конкурс негізінде жүргізіледі, қабылдау емтихандары аяқталғаннан кейін колледждің күндізгі бөліміне 25 тамыздан 30 тамызға дейін, сырттай оқу бөліміне қабылдау 15 қырқүйектен 30 қырқүйекке дейін аяқталады.

   Білім алушылар құрамына қабылдау конкурсы:

  • бірыңғай ұлттық тестілеу сертификатындағы балл негізінде;
  • ҚР Білім және ғылым министрлігінің кешенді тестілеу нәтижесі бойынша берілген сертификаттағы балл негізінде;
  • колледжде өткізілген кешенді тестілеу нәтижесі бойынша алынған баллдар негізінде;

 

Білім алушылар құрамына қабылдау конкурсына қатысуға:

 

1) негізгі жалпы білім алғандар үшін екі пәннен 20 балдан кем, құқық, экономика мамандықтары бойынша 25 балдан кем;

2) жалпы орта білім алғандар үшін үш пәннен 30 балдан кем, құқық, экономика мамандықтары бойынша 35 балдан кем жинағандар жіберілмейді.

 

  1. Колледжге қабылдау комиссиясының ашық отырысында мамандық, бөлім, оқу тілі бойынша жеке-жеке өтеді.
  2. Негізгі қабылдау ережелерінде кестеленбеген сұрақтарды құрылтайшы келісімі бойынша колледждің қабылдау комиссиясы жеке шешеді.

Берілген ережелер педагогикалық кеңестің № 12 28.05.2018ж. хаттамасымен қаралып, бекітілді.

 

 

 

 

1 Қосымша

 

 

Батыс Қазақстан инженерлік – технологиялық  колледжіне түсу емтихандарын тапсыру үшін орта білім, кәсіби, техникалық оқу бағдарламалары бойынша мамандарды дайындауды жүзеге асырудағы мамандық бейіні бойынша  жалпы білім беретін пәндер тізімі

 

Коды

Мамандық атауы

Арнайы пән атауы:

 

 

Негізгі білім беру базасында

Жалпы білім беру базасында

  

0201000

Құқықтану 

Құқық негіздері

Дүниежүзі тарихы

 

0516000

Қаржы (салалар бойынша)

Математика

Математика 

0518000

Есеп және аудит (салалар бойынша)

Математика

Математика

0515000

Менеджмент (салалар және қолдану аясы бойынша)

Математика

Математика 

0513000

Маркетинг (салалар бойынша)

Математика

Математика 

1304000

Есептеу техникасы және бағдарламалық қамтамасыз ету (түрлеріне қарай)

Математика

Математика 

0902000

Электрмен қамтамасыз ету  (салалар бойынша)

Математика

Математика 

1201000

Автомобиль көлігіне техникалық қызмет көрсету, жөндеу және пайдалану

Математика

Математика

1202000

Тасымалдауды ұйымдастыру және көлікте қозғалысты басқару (сала бойынша)

Математика

Математика

0601000

Стандарттау, метрология  және сертификаттау (салалар бойынша)

Математика

Математика 

1511000

Жерге орналастыру

Математика

Математика

0809000

Мұнай және газ кен орындарын пайдалану (бағыты бойынша)

Математика

Математика

 

0801000

Мұнай мен газ скважиналары бұрғылау және жұмысының технологиясы (бағыты бойынша)

Математика

Математика

0819000

Мұнай және газды қайта өңдеу технологиясы

Химия

Химия

0802000

Мұнай - газ құбырлары мен қоймаларын салу және пайдалану

Физика

Физика 

1513000

Ветеринария

Биология

Биология

1514000

Экология және табиғи ресурстарды тиімді пайдалану

Математика

Химия

1505000

Балық шаруашылығы (түрлеріне қарай)

Биология

Биология 

1508000

Орман шаруашылығы, бақ-саябақты және ландшафты құрылыстар

Математика

Химия

1224000

Сүт тағамдарының өндірісі

Химия

Химия

1225000

Ет және ет тағамдарының өндірісі

Химия

Химия 

1216000

Элеватор, ұн тартатын, жармалық және құрама өндірісі

Биология

Химия

1504000

Фермер шаруашылығы

Биология

Биология

1510000

Ауыл шаруашылығын механикаландыру

Математика

Математика 

1014000

Машина жасау технологиясы (түрлері бойынша)

Математика

Математика 

 

 

 

Емтихандар кестесі

 

 

 Конкурстық комиссия туралы бұйрық

 

Қабылдау комиссиясы туралы бұйрық

 

 

 

 Тест  құрастырушылар туралы бұйрық

 

Қабылдау емтихандарына арналған тест