free templates joomla

БАТЫС ҚАЗАҚСТАН ИНЖЕНЕРЛІК-ТЕХНОЛОГИЯЛЫҚ КОЛЛЕДЖІНІҢ

WEB-САЙТЫНА ҚОШ КЕЛДІҢІЗДЕР!

КОЛЛЕДЖ МИССИЯСЫ:

«Еңбек нарығы қажеттіліктерінің қарқынды дамуы жағдайында сұранысқа ие, білікті мамандардың кәсіби және тұлғалық өсуін қамтамасыз ету мақсатында сапалы білім беру қызметін ұсыну».

  

director2

Алимбеков Серик Ахметович

 Директор

Ветеринария ғылымдарының кандидаты 

     Батыс Қазақстан инженерлік – технологиялық колледжі 2000 жылы құрылды.

Колледждің алға қойған мақсаты – еңбек нарығы мен қоғамдық өмірдің түрлі салаларында бүгінгі күн талабына сай бәсекеге қабілетті, кәсіби білімді мамандар даярлау болып табылады. Қазіргі таңда колледжде техникалық, мұнай-газ ісі, экология, ауыл шаруашылығы және экономика салалары негізінде 25 мамандық бойынша мамандар даярланады. Сондай-ақ колледжде күндізгі және сырттай оқу нысаны бойынша негізгі жалпы білім және жалпы орта білім негізінде студенттер білім алуда. Сонымен қатар колледжімізде жоғары білікті, студенттерге сапалы білім беруді және олардың шығармашылық қабілетін дамытуды мақсат еткен оқытушылар қызмет атқарады.

          Жаңалықтар        

4  қыркүйек күні 1 курс оқушылары арасында «Білім күніне» орай «Мемлекет басшысы Н.Ә. Назарбаевтың «Болашаққа көзқарас: рухани жаңғыру», «Я – патриот своей родины» атты тәрбие сағаттары өткізілді. Мақсаты: оқушыларды Елбасының мақаласымен таныстырып, оны жан-жақты талқылау, болашаққа деген көзқарастарын айқындау, колледждің жетістіктері және ішкі тәртібімен таныстыру. 

1  2   

Технологиялық бөлімінің «Ветеринария» және «Электрмен қамтамасыздандыру» мамандықтары бойынша 3 және 4 курс оқушылары 04.09-23.12.17 жылы аралығында өндірістік – технологиялық практикасына жіберілді. Оның ішінде «Серпін – 2050 Мәңгілік ел жастары – индустрияға» әлеуметтік жобасы бойынша оқып жатқан «Электрмен қамтамасыздандыру» мамандығының 3 курс оқушылары «Орал трансформатор зауыты» ЖШС-не, «БҚ ТЭК» АҚ-на жолданды. Ал осы жоба бойынша білім алып жатқан «Ветеринария» мамандығының 3 курс оқушылары БҚО Жаңақала, Жәнібек, Қаратөбе, Сырым, Бөкей Орда және Казталовка аудандарындағы және ауылдарындағы ветеринариялық станциясына жолданды.

7 қыркүйек күні қаламыздағы мәдени орталықтарды таныстыру және жастарға дәріптеу мақсатында «Электрмен қамтамасыздандыру» мамандығының 1 курс (ЭЛС-911) оқушылары топ тәлімгері С.К. Тасбулатовамен Ж. Молдағалиев атындағы кітапханаға саяхат жасады. 

3  4

11 қыркүйек күні тәрбие жұмысының жоспарына сәйкес колледжіміздің бірінші курс оқушыларын есірткі және басқа да зиянды заттардың денсаулыққа қауіптілігімен таныстыра отырып, олардан бас тартуға тәрбиелеу мақсатында «Есірткі мен психотроптық заттарды тұтыну қауіпі мен салдары» атты тәрбие сағаты өткізілді. 

5

12 қыркүйек Отбасы мерекесіне орай тәрбие жұмысының жоспарына сәйкес бірінші курс топтарының арасында «Шаңырағым - шаттығым», «Отбасы-өмір аясы», «Отбасым - өмірімнің айнасы», «Отбасы- мемелекеттің негізгі буыны» атты ашық тәрбие сағаттары өткізілді. Бұл шараларға оқушылардың ата-аналары, оқытушылар, колледж психологы қатысты. Шара мақсаты, оқушылардың отбасына деген сүйіспеншіліктерін арттырып, отбасы құндылықтарын түсіндіру. Сондай-ақ, оқушыларға және ата-аналарына  колледждің ішкі тәртібі, құқықбұзушылықтың және діни экстремизмнің алдын алу жолдары туралы айтылды.

6  7  8

Елбасының "Болашаққа бағдар: рухани жаңғыру" мақаласына орай, "Туған жер" бағдарламасын жүзеге асыру мақсатында15 қыркүйек күні колледж оқытушыларының арасында Киров атындағы саяжайда спорттық шара өткізілді.

9  10  11

21-29 қыркүйек аралығында тілдер күніне байланысты «Мемлекеттік тіл - менің тілім» тақырыбындағы апталыққа іс-шарлар өткізілді. Шара барысында «Ветеринария» мамандығының ВТ-11 тобында «Үштілділік болашағы» атты дебат, ВТ-911 тобында «Туған тілім тірлігімнің айғағы» атты сайыс сабағы, «Электрмен қамтамасыздандыру» мамандығының ЭЛС-911 тобында «Қазақстан болашағы - қазақ тілінде», СТР-11 тобында «Өзге тілдің бәрін біл, өз тіліңді құрметте», ОПУД-911  тобында  «Тіл-тірегім, соғып тұрған жүрегім» атты ашық тәрбие сағаттары өткізілді. Мақсаты: оқушылардың ана тілге деген құрметін, сүйіспеншілігін ояту, тілдерін дамыту, мәнерлі сөйлету, ой өрісін кеңейту. Туған жеріне құрмет көрсете білуге,ұлт жандылыққа тәрбиелеу.

12  13  14

15  16

17  18

23 қыркүйек күні денсаулық күніне орай колледждің 1 курс оқушылары арасында спорттық шара өткізілді, нәтижесінде студенттер әртүрлі жүлделі орынға ие болып, белсенді қатысқаны үшін Дипломдармен марапатталды. 

            20          19  

21  22

28 қыркүйек күні «Еңбек күніне» орай ҚР-АШМ ветеринарлық бақылау және қадағалау комитетінің БҚО аумақтық инспекциясының биология қауіпсіздік бөлімінің басшысы Б.Е. Айтуғановтың қатысуымен «Ветеринария» мамандығының 2,3 курс оқушыларымен кездесу өткізілді. Мақсаты: оқушылардың мамандыққа деген қызығушылықтарын арттырып,  жас буын шәкірттердің еңбекке деген ынталарын ояту.

23

29 қыркүйек күні мұғалімдер күніне орай мерекелік шара болып өтті, ол шараға бірінші курс топтарының оқушылары мен топ тәлімгері өз өнерлерін көрсетті. 

24   25  26

27  28

Психологиялық қызмет

Психологиялық қызмет
1
 

I. Ұйымдастыру жұмысы

    Қазақстан Республикасының Білім және Ғылым министрінің 2011 жылғы 20  желтоқсан №528 бұйрығына сәйкес  және Қазақстан Әділет министрлігінде 2012  жылы 17  қаңтарда №7380 бұйрығымен психологиялық  қызметтің  жұмыс істеу қағидасы бекітілген  болатын .Осыған  сәйкес оқу жылының басында психологиялық  қызмет жұмысының жылдық жұмыс жоспары құрастырылып, бекітілді. Жоспар бойынша психологиялық қызмет жұмысының бірнеше бағыттары жүзеге асырылды.
  Психологиялық   қызмет  жұмысының  мақсаты: оқушылардың психофизиологиялық денсаулығын ,жеке  тұлғаның дамуын есепке  алып, әр баланың психологиялық және эмоционалдық саулығына оңтайлы жағдай жасау.Оқушылардың жан  саулығын сақтауына және олардың кәсіби жетістікке жетуіне мүмкіндік жасау,оқытушылардың шығармашылық  потенциалын  ашуға көмектесу.
      Психологиялық қызмет жұмысының міндеттері:

1. Оқушылардың жақын арадағы даму деңгейін және танымдық  үрдісін , өзара қарым – қатынасын анықтап түзету – дамыту жұмыстарын  жүргізу.

2. Оқушылар бойындағы агрессия деңгейін түсіру мақсатында жұмыстану

3. Ойын , тренинг  арқылы топтық жұмыс бағыттарын ұйымдастыру.

4. Оқу тәрбие үрдісінде оқушылардың ата – аналармен тығыз қарым – қатынаста жұмыстану.

5. 9 сыныптан кейінгі оқушылармен психологиялық – педагогикалық қолдау  жұмыстарын жалғастыру.

6. Топ оқушыларымен  жеке түзету жұмыстарын ұйымдастыру .

7. Ұжымда психологиялық орта қалыптастыру.
 

II. Психодиагностика және диагностикалық жұмыстардың жүргізілуі

   Психодиагностика жұмыстары бойынша жалпы жасөспірімді терең психологиялық-педагогикалық зерттейтін, оқыту және тәрбиелеуде бұзылу себептерін анықтау бағытында психологиялық зерттеулер, психологиялық себептерін анықтау, психикалық дамудағы әртүрлі ауытқулардың саралау диагностикасын жүзеге асыру т.б. жұмыстар мен жасөспірімде анықталған және қатаң индивидуалды, нақты өзгешелігі бар, жас ерекшелік және дара ерекшеліктері бойынша жұмыстар өткізілді.

      Колледжге  қабылданған  барлық  топ  оқушыларына  психологиялық  карта  және оқушының  жеке  картасы , топ  оқушыларының  әлеуметтік  картасы жасақталады.

   Қыркүйек айында  психологиялық  бейімделу  кезеңі , сабақтастықты қолдау шаралары бойынша жеке тұлғаның мінез  типін анықтауға  арналған қазақ топтарына Г.Айзенктің,орыс топтарына Белованың мінез типін анықтауға  арналған  әдістемелер  жүргізіледі.

    Қазан айында  зерттелуші тұлғаның өзін – өзі бағалауын анықтау мақсатында  диагностикалық  жұмыс  жүргізілді. «9 дөңгелекше» әдістемесі бойынша  I және II  курс оқушыларына ,«Өзін – өзі бағалау» әдістемесі  бойынша III және IV  курс оқушыларынан әдістемелер  жүргізіледі.
 
2   3
Колледж оқушыларына  «Сіздің суицидке бейімділігіңіз» әдістемесі жүргізілді. Топтар  бойынша  қорытындылары  жасалды. 
4   5
      Интерпретация бойынша   оқушылардың бойында күйзеліс ,қорқыныш  сезімдері  байқалмады.Өмірдің  мәнін позитивті жақта көрсете білді.Күш жігерлеріне сенімді. Қорытынды: дегенмен де жасөспірімдердің көңіл  күйлерін үнемі бақылауда ұстау , өмірге жағымды көзқарастарын қалыптастыру оқушылардың өздеріне деген  сенімдіктерін  күшейту бағытында  топ  тәлімгерлері жұмсытануы  қажет .Дөңгелек үстелдер ,пікірталас кештері тәрбие сағаттары өткізілуі  керек.
       Колледж  оқушыларына    «Сіз тіл  табысқыш  адамсыз  ба ?» тақырыбында  тест жұмысы жүргізілді.
 

III Психопрофилактикалық жұмыс.

/Оқытушыларға, ата – аналарға, оқушыларға/

     Қыркүйек  айында  дәстүрлі  түрде ата – аналарға  арналған  «Тәрбиенің  ең  тамаша  ортасы  - отбасы» тақырыбында ашық  есік  күні  өткізілді.

        Мақсаты:

       1. Отбасы тәрбиесіндегі ата – ананың  балаға тәрбиелік ықпалын  арттыру.

   2. Тәрбиенің ең тамаша жері  отбасы екенін, олардың бала тәрбиесіндегі мүмкіндіктерінің жоғары екенін, баланың бас  ұстазы  ата -  анасы  екенін ұғындыру.

       3. Колледж бен  ата -  ана арасында коммуникативті  қарым – қатынас  орнату.

    Қазақстан Республикасының «Білім туралы» заң жобасында «Ата – аналар балалардың білімі мен оқуы үшін олардың денсаулықтарын, рухани әрі дене қуатының қауіпсіз дамуын, адамгершілігі жағынан дұрыс қамтамасыз етуге міндетті». «Бала тәрбиесіне ерекше мән  берілуі  керек, тәрбиенің арқасында болашақ адамзат тағдырының негізгі мәселесі шешіледі» деген В.Белинскийдің қанатты сөзін басшылыққа ала отырып бағдарлама құрылды.

6   7

      Бағдалама бойынша ата -  аналарды  қабылдап,сауалнама ,тренингтер  жүргізілді. «Отбасындағы ата – анамен бала арасындағы дау – дамайды және  кикілжіңді  шешу жолдары» тақырыбында  дөңгелек үстел  оздырылды.

      Колледж оқушыларының  ата - аналарына  «Құқық бұзушылықтың алдын алудағы отбасының ролі» тақырыбында  ата – аналарға дәріс өткізілді.Мақсаты ата –аналарға құқық бұзушылық сауаттылық туралы білімдерін кеңейтуге түсініктер беру.

       Топтарда «Жастар мен жасөспірімдер арасында құқық бұзушылық сауаттылықты байқауға арналған» сауалнамалар жүргізу арқылы оқушылардың құқықтық сауаттылығы анықталды.

      Колледж  оқытушыларына «Кикілжің  және одан  құтылу жолдары»тақырыбында колледж  оқытушыларына дөңгелек үстел  оздырылды.

      Мақсаты:

      - Кикілжің туралы жан-жақты түсінік беру.

      - Тұлғаның өзін реттеуіне болатын қажетті жағдайды туғызуға көмектесу.   

      - Проблемалық жағдаяттардан шығу жолдарын қарастыру.
8   9
     Оқытушыларға психогеометриялық тест жүргізілді. Шеңбер, шаршы, дөңгелек, тіктөрт-бұрыш сынды кесінділер арқылы оқытушылар өз мінез құлықтары туралы мағлұтаттар алып, тест жұмысын орындады.
   Желтоқсан айында «Педагог имиджін қалыптастырудағы психологтың ролі» тақырыбында  пікірталас кеші өткізілді.
10   11
   Мақсаты: әрбір оқытушы айналасындағы адамдермен, ұжыммен оқушымен қоршаған ортамен, өзін – өзі қалыптастыру барысында талдау жасауда сүйенетін психология ғылымынан мәлімет  алу.
    Міндеті: оқытушы – оқушы үшін ең жоғары адамгершіліктің үлгісі. Рухани мәдениеті биік, кәсіби іскерлігі, қабілеті мен ақыл – парасаты жоғары, істің негізгі көзін білетін, жан – жақты жетілген ұстаздар қауымына бағыт көрсету, кеңестер беру.
12   13

   Сонымен қатар ЭНГМ-912, ОПУД–911 топтарында «Жизнь прекрасна и удивительна» тақырыбында дөңгелек үстел оздырылды.

        Топ оқушылары жоғары белсенділікпен қатыса білді.Бір – біріне деген шынайы деген достық, жолдастық қасиеттері оқушылары арасында байқалды.
14   15

   Оқушыларға ішкі сезімдерін шығару бағытында «Менің әлсіз  тұстарым» тақырыбында тренинг  ұйымдастырылды.Мақсаты: оқушылар жан дүнисіндегі жағымсыз  сезімдерінен  арылу,ой –қозғау,қуаныш ,шаттық  сыйлау.Оқушылар тренингқа қызығушылықпен  қатыса  білді.

      Наркологиялық  бекет жұмыс жоспарына  сәйкес «Дені саудың жаны  сау» атты жастарды  зинды әдеттен  сақтандыруға арналған флеш -  моб  өткізілді.

     Мақсаты: оқушыларды зиянды әдеттерден аулақ болуға, салауатты өмір салтын ұстануға бағыттады.
16

     «Нашақорлық - ортақ қасірет» тақырыбында ПВ–911, ПВ-921 топтарында тәрбие сағаты  өткізілді.

     Мақсаты: оқушыларды зиянды әдеттерден аулақ болуға, зиянды заттардың адам ағзасына тиер зияны туралы түсінік жұмыстарын жүргізу.

17

     «Спорт - денсаулық кепілі» тақырыбында оқушылар арасында салауатты өмір салтын  ұстану бағытында спорттық шаралар өткізілді.

       Мақсаты: салауатты өмір салтының құндылықтарына қосылу.

               сауықтыру іс-шаралары арқылы барлық оқушыларды қызықтыруға әсер ететін шараларды кең көлемде өткізу.

     Нашақорлықтың алдын алу бағытында колледж қабырғасына «Наркологиялық бекет» үн парағы шығарылды.

       Оқушыларды салауатты өмір салтына баулу мақсатында облыстық «Киров» паркінде «Табиғаттың тылсым сырлары» тақырыбында іс – шара ұйымдастырылды.
18

      Колледж оқушыларының ата-аналарына «Баланың бас ұстазы ата-анасы» тақырыбында ата–аналарға баяндама оқылды. Ата – аналар өздерінің көкейкесті сұрақтарын ортаға салып, бала тәрбиесіне қатысты психологиялық тұрғыдан мағлұматтар алды. Отбасының басты қызметі – бала тәрбиелеу. Отбасы – сапасы бірқатар параметрлермен анықталатын, бала өмірі мен дамуының ортасы. Отбасының әлеуметтік-мәдени параметрі ата-аналарының білімдік деңгейімен және олардың қоғам өміріне қатысуымен анықталады. Ата – аналар бала тәрбиесіне аса назар  аудару  керек  екенін  түсінді.

      Орал қалалық әйелдерге арналған әлеуметтік оңалту және бейімдеу орталығында «Жайық  дауысы» қоғамдық бірлестігінің ұйымдастырумен қала мектептерінің психолог – мамандарына семинар  өткізілді. «Тұрмыстық зорлық – зомбылықтан жапа шеккен әйелдерге құқықтық  кеңес пен ақпараттық қолдау көрсету жобасы» бойынша  жұмыс  жүргізілді. «Қиын  жағдайға  тап болған әйелдерді психологиялық тұрғыдан  қолдау» тақырыбында баяндама оқылды. Қиын  жағдайға тап  болған әйелдерге арт-терапия әдістемесі бойынша тренинг жүргізілді.
19
 
20   21
 

IV. Жеке кеңес беру.

     Психологиялық тұрғыдан ата –аналарға, оқытушыларға, оқушыларға жеке кеңестер  беріледі. Психологиялық кеңес беру тұлға ойындағы қиындықтар мен кикілжіңдерді шешуге  бағытталған  жұмыс түрі.

 
 

Педагог – психолог:                            Б.К.Омарова 

гис-технологии
ткани для вышивания