0516000-Қаржы

1. Мамандық: 0516000 «Қаржы» (салалар бойынша)
Біліктілігі: 0516000 - қаржы жұмысы бойынша экономист

2. Ұқсас мамандықтар:
   √ бухгалтер
   √ қаржы сарапшысы
   √ менеджер

3. Кәсіби қызмет саласы: Басқарушылық

4. Мамандықтын біліктілігі.
   √ Еңбек  пәні   бойынша   кәсіптердің   түрі:   экономисттің  негізгі  қызметі  әртүрлі құжаттармен тікелей байланысты
   √ Кәсіптер түрінің белгісі бойынша мақсаттары: мамандықты іздестіру
   √ Еңбек құралы бойыншамамандық типі: қол көмегімен
   √ Кәсіптер еңбек белгісіне қарай: «бөлме» жағдайында
   √ Мамандық    классы:    шығармашылық    (ізденімпаздық);    еңбек    мінездемесі бойынша  мамандық  стандартқа сәйкес келмейтін шешім қабылдаумен, жобалаумен, ұйымдастыру  және  басқарумен,  талдаумен байланысты, тәуелсіз бастапқы ойлауды талап етеді

5. Мамандықтың сипаттамасы:
   Экономист – кәсіпорыннның   қызметін  экономикалық  талдау  және  жоспарлауды жүргізудегі жоғары білікті маман.
   Негізгі  қызмет  түрлері:  нормативтік-құқықтық негізді ескере отырып, стандартты әдістер  негізінде  экономикалық   және   әлеуметтік-экономикалық   көрсеткіштердің есебін    жүргізу;     ұйымдар,     ведомостволар,     кәсіпорындардың    түрлі    меншік нысанындағы  жоспарлардың экономикалық  бөлімін жасау; белгіленген міндеттерге, нәтижелерді  интерпретациялау   және   зерттеу  нәтижелеріне  сәйкес  экономикалық деректерді  өңдеу,  кәсіби  қызмет  аймағында  жататын  құбылыстар  мен  нысандағы зерттеу  үрдісінде  стандартты теориялық және эконометриялық үлгісін құру, зерттеу нәтижелерін   интерпретациялау    және    талдау;    ақпараттық    шолуға    дайындық, аналитикалық   есептер,  кәсіби   қызмет   аймағында   жобалау  шешімдерін  жасауға қатысу, жасалған жобалар мен бағдарламаларды жүзеге асыру бойынша шаралар мен ұсыныстарды дайындау.

6. Маманға қойылатын ерекше талаптар:
Экономист мынадай жеке қасиеттерге ие болу керек:
   √ эмоционалдық тұрақтылық;
   √ ұқыптылық;
   √ ұйымдастырушылық;
   √ жауапкершілік;
   √ әдептілік;
   √ табандылық;
   √ ашықтық;
   √ өз жұмысын жоспарлауға қабілеттілік;
   √ құжаттармен жұмыс жасауға бейімділік.

 Экономистің кәсіби маңызды қасиеттері:
   √ бір  нәрсеге  немесе әрекетке ұзақ уақыт назар аударушылық қабілеті, бір уақытта бірнеше  әрекеттер   жасау,  өзінің  назарын  бір  нәрседен  екіншісіне,  қызметтің  бір түрінен келесісіне тез ауыстыру қаблеттілігі;
   √ тез  әрекет  ету  қаблеттілігі,  мәтінді  көзбен  көру  арқылы  қабылдаудың жоғары деңгейі;
   √ жақсы   дамыған    қысқа   және   ұзақ   мерзімді   жады,    ақпаратты   жаттап   алу қаблеттілігі;
   √ коммуникативтік және ұйымдастырушылық қаблеттің жақсы дамуы;
   √ математикалық қаблеттілік;
   √ эмоционалды- танымдық тұрақтылық;
   √ жауапкершілікті жоғары сезіну;
   √ логикалық ойлау;
   √ жылдам шешім қабылдай білу;
   √ ойын нақты жеткізе білу.

7. Медициналық қарсы көрсетілімдер:
   √ жүйке-психикалық аурулар;
   √ жүрек, қан қысымы ауруларымен;
   √ жүрек-қан тамыры;
   √ созылмалы жұқпалы аурулармен;
   √ жоғары тыныс жолдары ауруларымен;
   √ көру және есту мүшелерінің аурулары.

8. Кәсіптік дайындыққа қойылатын талаптар:
Қаржы жұмысы бойынша экономист білуі тиіс:
   √ осы   заманғы    экономиканы   макро   және   микро   деңгейінде   қызмет   етудің заңдылықтарын;
   √ экономикалық    теория    мен    қолданбалы    экономикалық    пәндердің    негізгі түсініктерін, категориялар мен құралдарын;
   √ обьектілердің,   құбылыстар  мен  үрдістердің   экономикалық   модельдерін  құру әдістерін;
   √ шаруашылық   субьектінің   қызметін  микро  және  макро  деңгейде  сипаттайтын көрсеткіштердіосы заманғы жүйесін құру, есептеу және талдаудың негізін.

Қаржы жұмысы бойынша экономист істей білуі тиіс:
   √ экономикалық   құбылыстардың,   үрдістердің   өзара   байланысын   микро   және макродеңгейде талдауды;
   √ нақты    жағдайды   талдау   кезінде    экономикалық   сипаттағы   проблемаларды анықтауды;
   √ экономикалық – әлеуметтік     басқару     ақпараттарын,      көздерін     қолдануды;
   √ меншіктің   түрлі   формасындағы   кәсіпорындардың,   ұйымдардың   есептерінде берілетін    қаржылық,    бухгалтерлік   өзге   де   ақпараттарды    талдауды,    алынған мәлеметтерді  басқару  шешімдерін  қабылдау  үшін  қолдануды,  аналитикалық және зерттеу  жұмыстарының  нәтижелерін  баяндамалар, ақпараттық шолу, аналитикалық есеп, мақалалар түрінде ұсынуды;
   √ шағын ұйымның жұмысшы тобының жұмысын ұйымдастыруды;
   √ экономикалық  және   бизнес   сферасында   нормативтік-құқықтық   ресурстарды, әкімшілік-және өзге де шектеулерді есепке ала отырып, жобалар әзірлеуді.

9.  Қолданылу саласы:
   Қаржы   жұмысы   бойынша   экономисттер    меншіктің    барлық    формасындағы кәсіпорындарда, зауыттар мен өндірістік компанияларда, банктерде, туристтік, медициналық, құрылыс компанияларында жұмыс жасай алады.

10. Еңбек шарты:
   Экономисттің  жұмыс орны кеңседе орналасады. Экономист  жұмыс кезінде шұғыл байланысты  қамтамасыз  ету  құралдарын,  интернетке  шығу  мүмкіндігі  бар дербес компьютерді қолданады.

11. Кәсіптік қауіп:
   Жұмыс   жағдайы    отырып    жасалынғандықтан,    арқа   және   мойын   ауруымен байланысты  кәсіби  аурулар  болуы мүмкін. Сонымен бірге үнемі стресстік жағдайда жұмыс жасау, жүйкенің жұқаруы мен күйзеліске себеп болуы мүмкін.

12. Талап етілетін кәсіптік білімдер:
   «Қаржы  жұмысы  бойынша  экономист»  біліктілігін  алу  үшін,   0516000  «Қаржы (салалар бойынша)» мамандығы бойынша кәсіптік білім алу қажет.

13. Мансаптық өсу:
   Экономисттің     лауазымды     өсуі     тәжірибенің     жинақтауымен,     біліктіліктің жоғарлауымен тікелей байланысты.  Экономисттердің  жеке іс ашу бағытында жақсы болашағы бар.